irailak 26 / 19:00

URBANBAT fest

podcast ekitaldia

Ez zurean, ez nirean

Beñat Saratxaga, Handy eta Biitxirekin batera, Opción18 kolektiboko Garazi Morodio arkitektoak eta Judy artista, ekoizle eta Dj gazteak bat egingo dute antolatutako mahai inguruan. Hirikoa denaren eta ez denaren arteko tentsioei buruz hitz egingo dugu, baita kulturarako sarbidean, lanean eta zaintzan eragiten duten espazio eta dinamikei buruz ere, hiritik kanpo bizi garenean.

Ezagutu Urbanbat  
Izen-ematea (doakoa)

arte plastikoak eskualdean

erakusketa irekiera

Asier Handy  //  Biitxi

Asier Handy (Bilaketa baten kontakizuna) eta Biitxi (Indarra) lanean egon ziren uztailaren 7tik 17ra Faktorian. Irailaren 26an irekiera emango diogu egindakoaren erakusketari. Ikusgarri egongo dena urriaren amaierara arte.

Ezagutu Asier Handy 
Ezagutu Biitxi

IRAILAK 28 / 12:00

hitzaurrea 

ibilbide kulturala + soinu esperientzia + solasaldia

Piszifaktoria eta Fikzio Fabrika: Irati Agirreazkuenaga, Xabi Landabidea, Eneko Olazabal eta Mikel Ayllon

                    
Mugikorra eskuetan hartu eta entzungailuak jantzi ondoren, parte hartzaileoi etxetik herriko kaleetara ateratzeko gonbita egingo digu piszifaktoria ideien laborategiak. Nork bere herriko kaleak modu desberdin batean ibiltzeko, entzuteko eta sentitzeko balio duen esperientzia bat da, norberak hartzen dituen erabakien arabera, leku batera edo bestera eramango gaituena.

Esperientzia honek Loraldiaren Sorkuntza Digitalerako Beka irabazi du,  eta Euskal Herriko arte bizien eremuan parekorik ez duen obra bat da.


                    
                  
                  

Ezagutu Piszifaktoria Ideien Laborategia
Izen-ematea (doakoa)

hezur berriak  

bertso saio literario musikatua

Ane Labaka  //   Ines Osinaga  //  Oihana Iguaran  //  Onintza Enbeita

Saio honetan poema hautatuen irakurketa musikatuak eta bat-bateko bertsoaldiak tartekatuko dira. Hezur berriak poema liburua haurdunaldian zehar eta erdiondoko lehen hilabeteetan idatzitako testu txatalekin dago osatua eta amatasunaren ertzez, anbibalentziez, kargez eta esanezinez dihardu.

Ezagutu Hezur Berriak
Erosi sarrera

enarak

zinema

ENARAK Beñat Iturrioz Perezek zuzendutako eta Bira Kooperatibak eta Elkarte Txikiak ekoitzitako film dokumentala da.

1967an, frankismo betean, apaizgai gazte batzuek musika talde bat sortu zuten euskarazko rocka egiteko: Enarak. Ehunka kontzerturen ondoren, 1971n, modu misteriotsuan desagertu ziren. 50 urte geroago, kantariaren semea bilaketa xelebre batean hasi zen taldearen arrastoen atzetik, filmen labirinto batean murgilduz.

Juanjo Iturrioz, Jose Iñurrita, Antton Lopez eta Jesus Calvete dira protagonistak.

Ezagutu Enarak
Erosi sarrera

URRIAK 30 / 18:00

ELKARRIZKETAN

dantza + solasaldia

Oihana Vesga eta Mikel Vesga

Elkarrizketan / about a common place aita eta alabak partekatzen duten solasaldi dantzatua da. Elkargune bat, egunerokoan elkarbanatzen dituzten espazioetatik at, gorputzen topagune bat. Koreografia haien bizipenez zeharkatua dago, eta oreka, entzumena, jolasa, babesa eta ondarea dira, besteak beste, mugimenduan azaleratzen diren arloak.

Ezagutu Oihana Vesga
Erosi sarrera

AZAROAK 13 / 19:00

JOSEBA IRAZOKI

musika + solasaldia

Urrian argitaratu duen bakarko disko instrumentalaren aurkezpena. GITARRA LEKEITIOAK izenekoa. Gitarra hutsezko kontzertua.

Gitarra Lekeitioak (Onomatopeikoa II) dugu 2017an Irazokik berak plazaratu zuen Gitarra Onomatopeikoaren jarraipena, eta album hari zerion batere loturarik gabeko jakin-min baten sentipena berriz ere aurkitzen dugu honetan, baina are gehiago handitua. Uztartu egiten dituelarik gitarrarekiko konpromiso erabatekoa eta ukimenezko arintasun bat, ia egorik gabea, Gitarra Lekeitioak (Onomatopeikoa II) honek oinarritzat hartzen du Gitarra Onomatopeikoa haren gama zabala, eta emaitza zinez zorabiagarria da.

Ezagutu Gitarra Lekeitioak
Erosi sarrera