Arte Hartze Zikloa 2024
Irailak 15- Azaroak 23
6 emanaldi, igandero hamabost egunetik behin.
Udazkeneko igande arratsaldeetan, Aiaraldean. Zuzeneko ikuskizunak [antzerkia, kontzertu eta hitzaldi performatiboak, errezitaldi bertso-performatiboak...] eta artistekin solasaldiak.
Lehenengo emanaldia Artziniegan, beste 5ak Faktorian izango dira.
Eider Garcia ilustratzaileak egindako kartela. Komunika
Eider Garcia ilustratzaileak 2024ko Arte Hartze Zikloren iruditegia sortu du.
Iruditegia sortzeko collage teknikan oinarritu da. Horretarako, animalietan, naturako elementuetan [zikoina, hegalak, hostoak)
eta zenbait artelanetan inspiratu da:
Suzanne Valadonen
La Chambre bleue,
Henri Matissen La Danse,
Joaquin Sorollaren
Paseo a orillas del mar
eta
Frida Kahloren Autorretrato con collar de espinas y colibrí.
«Arte Hartzea arnasa hartzea da» [Elhuyar Hiztegia].
Gure zikloaren kasuan, arnasa hartzea da eta denbora eskaintzea kulturari, arte diziplina anitzei, sortzaileei, harremanei eta sormen-prozesuei.
Udazkeneko arratsalde gero eta ilunagoen urte-garaian, sormena biluztea.
Kulturari eta prozesu kreatiboei eskainitako arnas tarteak. Sormena biluztuz.
irailak15/18.00
goroldiorik ez
Landa eremutik ibilbide kulturala
Piszifaktoria ideien laborategia: Mikel Ayllon, Igor Arzuaga eta Irati Agirreazkuenaga.
Natura eta kultura uztartzeko asmoarekin proposamen berri bat diseinatu dugu: mendi ibilbide gidatu bat. Irati Agirreazkuenaga EHUko irakaslea eta kultur sortzailearen eskutik hainbat Aiaraldeko emakumeren bizitza pasarteak ezagutuko ditugu, Artziniegako naturgune eta basoetan zehar ibiltzen garen bitartean.
Uztailaren 11ean Aiaraldeko komunitatearekin 'ikuskizunaren sortze prozesu' lan saioa egin dugu, eta hortik ateratzen dugun informaziorekin, ibilbide poetiko fikzionatu bat sortu dugu piszifaktoriako ideien kide guztiak parte-hartuta prozesuan.
Ekimena ziklorako propio sortu da.
rr
Errezitaldi poetiko-bertso-performatibo-irakurri ikus-entzunezkoa
Maialen Lujanbio.
/r/ hots zehazgabea garai zehazgabeetarako.
/r/ soinu dardarkaria garai dardaratuetarako.
Hitzez eraikitako errezitaldia da. Hizkuntza du lehengaia eta erregistro desberdinetan erabiltzen da: hotsak, testu idatziak, hitz esanak, bertsoak eta abar. Soinu pregrabatuekin eta pantailako proiekzioekin interakzioan osatzen da emanaldia.Maialen Lujanbioren eztarritik..
URRIAK 13/18.00
eukaliptus
Hitzaldi performatiboa
Jon Ander Urresti, Beñat Urrutia eta Matxalen de Pedro
Monolaborantzari buruzko komedia kritikoa. Antzezlan hau lan harreman historiko baten istorioa da. Lurjabea eta langilea.Inbaditzailea eta exotikoa. Handinahikeria eta zuhurtzia. Hiria eta herria. Indu stria eta paisaia. Botera eta beharra. Pertsona eta arbola. Paternalismoz jositako harreman absurdo bat. Elkar ulertzen saiatzen dira, elkarrekin lan egiten dute, , elkarrekin sortzen dute historia baina elkarri mina ematen diote. Harreman historiko toxiko bat. Batek efizientzia nahi du, emankortasuna, etekina,... inkonformista da. Besteak sinpleki, iraun, bizi.
Ziklorako formatu berezia.
Monolaborantzari buruzko komedia kritikoa. Antzezlan hau lan harreman historiko baten istorioa da. Lurjabea eta langilea.Inbaditzailea eta exotikoa. Handinahikeria eta zuhurtzia. Hiria eta herria. Indu stria eta paisaia. Botera eta beharra. Pertsona eta arbola. Paternalismoz jositako harreman absurdo bat. Elkar ulertzen saiatzen dira, elkarrekin lan egiten dute, , elkarrekin sortzen dute historia baina elkarri mina ematen diote. Harreman historiko toxiko bat. Batek efizientzia nahi du, emankortasuna, etekina,... inkonformista da. Besteak sinpleki, iraun, bizi.
Ziklorako formatu berezia.
loa, loa
Kontzertu performatiboa
Maider Lasa Santamaria
“Bolon bat eta bolon bi, bolon putzura erori, erori bazen erori, bizkar ta lepoa autxi, ez da geroztik ageri...”.
Loa loa, laguna proiektu eszenikoa da diziplinartekoa. Bertan zazpi berreskuratzen dira euskal nana tradizionalak, horietako sei euskal herri-kantutegitik datozenak bere garaian Azkuek dokumentatu zuena,horiek eraldatzeko eta sortzeko asmoa bertsio berriak hainbat gairi buruz sentsualitateari buruzko hausnarketak eta sexualitatea.
URRIAK 27/18.00
erritualak espazioan
'Site specific' erresidentziaren saio irekia: ahotsa, soinua eta argiaren esperimentazioa fatkoria espazioan.
Shua performance kolektiboa [Detroit]: Laura Quattrocchi, Joshua Bisset eta Stéphane Garin
Euren obren bidez gorputz eta ahotsen enpatia, identitate aniztasuna zein gorputzarekiko, publikoarekiko eta ingurunearekiko interakzioa bilatzen dute; baita beraien eraldaketa ere. Era berean, espazioaren eta interakzioaren mugak hausten saiatzen dira. Euren hitzetan, ikaskuntza prozesuak ondorengo sortzaile eta guneetan eskuratu zituzten: Daniel Lepkoofekin NYCn, Elaine Summersekin Kinetic Awarenessen, Carl Andersonekin Skinner Releasingen, Barbara Mahlerrekin Klein teknikan eta Feldenkrise Metodoaren prestakuntza jarraia. Finean, euren proiektuek antzoki, arkitektura, landa eremu eta komunitateekin dute interakzioa, esperimentazio eta kultur mugimenduaren bidez.
Komunitatearekin zein Aiaraldeko sortzaileekin tailerrak egingo dituzte, beraien egonadlian zehar.
Ziklorako sortutako esperimentazioa
Ziklorako sortutako esperimentazioa
URRIAK 27/18.30
HARRI HERRI HAR
Kontzertu performatiboa
Amorante
Diskoan, kanpaiak, malenkonia, festa, animaliak eta poesia ageri dira. Zahartzaroari edota zubi baten dantzan jartzeari kantatu diot. Harkaitz Canok, errekak tristuraren sendabide bihurtu ditu. Odei Barrosok zezenaren begietatik epaitzen gaitu. Bilintxek pobrearen suertiarekin, gizartea hainbeste aldatu ez dela erakusten du. Beste hitzotan, agure bat kanpai eske, habanera bat, iraultzaren nostalgia edota jai ostean topatutako poemak agertzen dira..
AZAROAK 23/16.00ETATIK AURrERA
ARTE EMAN FESTA
[Arte Hartze Zikloaren azkenengo emanaldia: Faktoriako sortzaile egoiliarren eta bekadunen jaialdia]
Peru Galbete, Amaia Molinet, Maria Iturbe eta Maialen Ramirez, Jare Prieto eta Eva Perez-Pons,
Eta gehiago!
Albisteak
Goroldiorik ez · Ikuskizun baten sorrera prozesua · Komunitatearekin batera lehenengo emanaldia sortzen
Piszifaktoria ideien laborategia
Goroldiorik ez bizirik dagoen eta tokian tokiko emakumeen historia eta istorioekin osatzen den ibilaldi dramatiko bat da.
Irailaren 15ean Artziniegan eskualdean egingo den ikuskizun honek hasiera emango dio Arte Hartze Zikloari. Kultura, historia eta natura uztartuko ditu, errealitatetik fikziora egindako ibilaldi baten bidez.
Osagai horiek guztiak nola uztartzen diren ezagutu eta eskualdeko historiaren zulo beltzera kondenatutako emakumeak berpizten lagundu nahi baduzu, hau da zure aukera. Sorkuntza partekatu batean barrena gidatuko gaituzte Piszifaktoria Ideien Laborategiko eskualdeko sortzaileek.
