Natalia Albeniz

'Menditik ibili, Uretan sartu' · Arte `plastikoak

Proiektu honen bidez, hausnartu nahi da banaka eta kolektiboki, gure nortasunaren eraikuntzan naturguneekin elkarreraginak daukan rolari buruz. Jolasaren, behaketaren eta ikusmenaz haraindiko ia zentzumen guztien bidez gertatzen den elkarrekintza.

Proiektuaren beste helburuetako bat da espazio horiek gaur egun eta bertan bizitako esperientziaren memoria eginez hautemateko dugun moduari buruz hausnartzea. Zer aldatu da? Zer neurritan berresten ditugu bizitako espazioak? Zeren arabera aldatzen da haien inguruan dugun pertzepzioa?

Azalpen bideoa

Nagore Tamayo

'Nolako Zura. Hileta bat inozentziari ' · Dantza eta kantua

 "Ama -bereagatik- negarrez ikustean heldutu nintzen, hezur ta haragizkoa zela ohartzean.

Zimenduak ere apur daitezke.

Behin berotu gintuenak ez gaitu betirako babestuko.

Nola itzuli etxera? -oinarrira, norberarenera.”

Dantza garaikidea, jotak eta sampleak biltzen dira hemen, ama-alaba harremanaren arrakaletatik inozentzia hil, eta errealitateari pastel koloreak kenduz.

Azalpen bideoa

Rlantz

'Uhinen dantza ' · Musika

Proiektua musika elektroniko atmosferiko eta esperimentalaren esparruan kokatzen da. Soinu-esperimentazioa oinarri hartuta, sintetizadoreak eta efektu analogikoak erabiliko dira, textura aberatsak eta giro sakonak sortzeko. Nahiz eta instrumentalizazioak pisu handiagoa izan, euskarazko ahotsak ere erabiliko dira zenbait abestitan. Gainera, zuzenean eskaintzeko moduan arreta berezia jarriko da, efektu gehienak eta zenbait melodia zuzeneko interpretazioan sartzeko.

Azalpen bideoa

Julen Zubiete

'Argi jolasak ' ·  Ikus-entzunezkoak

“Argi-jolasak” izeneko proiektua ikusentzunezko lan esperimental bat da. Proiektuaren behin-behineko izenburuak ongi definitzen du zein den proiektuaren asmoa esperimentazio lan honekin: jolastea. Jolasa ikasteko modurik onena bezala ulertzen du Julenek eta oraintxe bertan argiarekin jolastu nahi du; argia esperimentatzeko “jostailua” izan dadila.

Proiektu honetan argia eta honek material ezberdinekin elkarreragitean duen portaera aztertu nahi dut. Izan ere, bere inguruan argi-fenomenoak ikusten dituenean behatzen geratzen da eta haiekin jolasten hasten da.

Azalpen bideoa

Martz

'Koloreko pertsonak' · Arte `plastikoak

“Koloreko Pertsona” pinturan zentratutako arte plastikoen proiektu bat da, eta bere ikuspegi nagusia arraza-identitatearen, kultura-hegemoniaren eta bestearen pertzepzioaren arteko tentsioak aztertzea da.

Azalpen bideoa

Malen Atxa eta Xabi Basterra

'Des(ez)berdin' · Musika

Bi musikari. Bi bakarlari. Bi ikuspuntu ezberdin. Sortzeko

bi era ezberdin. Eta bi belaunaldi ezberdin. Baina, hain

dira ezberdinak?

Azalpen bideoa

Goizane Rodriguez

'Ermualde. Begirada eta kontzeptu artistiko berriak' · Arte bisualak

Eskulturaren bidez Ermualdeko aztarnategi arkeologikoaren ondarea berrinterpretatu du.

Azalpen bideoa

Garazi Egiguren

(Komorebi produkzioak)

'Argilunak sarea' · Dantza & ikus-entzunezkoak

Dolu prozesu batetik sortu da Argilunak proiektua. Galera batek eragindako krisi existentzialaren terapia izaten hasi eta eraikitako bizitza eredua kuestionatzeko adierazpen bidea bilakatu da. Alabaina, bizipen pertsonla den hau, unibertsalizatzeko ariketa izan nahi du. Bizipen hauek ardazten dituzten sentimentu eta emozioak unibertsalak baitira. Nire minak zuretik du, zureak niretik duen bezala.

Azalpen bideoa