Faktoriako antzerki talde amateurra sortzeko eskola antolatu dugu aurten. Ainhoa Artetxe zuzendariaren eskutik, antzerkian murgiltzeko aukera izango dugu, esperimentatzeko, sortzeko eta gozatzeko; eta agian, ikasturte bukaeran lana taularatzeko aukera izango dugu. Edonola ere, zaintzan, prozesuan eta gozamenean oinarritutako taldea izango da.
"Ondo" ala "Txarto" alde batera utzita, guztiok antzezteko gai garela esatera ausartzen da Ainhoa Artetxe aktorea. Dilema beste bat da; ea baimena ematen ote diogun gure buruari. Gizakiok bizitza osoa ematen dugu antzezten; norekin gauden, zer nahi dugun edo zein egoeratan gauden gure aurpegi ezberdinak erakusten ditugu. Tailer honetan, elkarren artean konektatuz eta plazera ardatz hartuta, bakoitzak ditugun espresio ezberdinak aztertzeko aukera izango dugu.
Alde batetik, gorputz adierazpena, kontzentrazioa, instintua eta irudimena lantzeko antzerki ariketa ezberdinak egingo ditugu.
Bestetik, nortasun sortzailea garatzeko eta inprobisatzeko gaitasuna lantzeko, eszenak sortuko dira, sorkuntza eszenikorako askatasun eremu bat aurkitzeko asmoz.
Ainhoa Artetxe
Ainhoak Arte Dramatikoa ikasi zuen Estudio Corazza-n, 2012- 2017 bitartean. Zuzendaritza, gidoigintzan eta clownean ere formakuntzan du.
Informazio praktikoa
[Izen-ematea zabalik irailaren 29-ra arte]
Ordutegia
Asteartero, 18.30- 20.30 edo 19.00-21.00
Urriaren 3tik- ekainaren 19ra.
Prezioa
Bazkideak: 35€/ hilabetean.
Ez-bazkideak: 45€/hilabetean.
Norentzat
+18-99 urte.
Antzerkiaz gozatu nahi duen edonorentzat zabalik.
Oharra
*Plaza kopurua: 15.
**Ikasturte oso baterako atelierra izango da (urriaren 3tik ekainaren 19ra). Ordainketa hilabetero edo ordainketa bakarrean egin daiteke.
***Baja emateko hilabete bateko aurrerapenarekin abisatu beharko da.
Zalantzak argitzeko:
kultura@aiaraldea.eus
633 51 73 83 (Nerea)
*Abuztuaren 21tik aurrera aurreko emailean edota telefonoan. Edonola ere, zalantzak baldin badituzu, erregistratu zaitez eta gorde ezazu zure plaza.